VOV4.Xơ Đăng - Kơxo lơ 5/6, pôa Mai Văn Thắng – Kăn hnê ngăn Vi ƀan cheăm Ea Hleo, tơring Ea Hleo, Dak Lak mơnhên, tung cheăm nếo ai roh klâk têa pro 3 ngế hok tro râ má péa Chu Văn An, cheăm Ea H’leo hlâ. Mâu ngế ki klâk têa mê cho muăn Trần Thị Kim Anh; Nguyễn Thị Hoài Bảo ƀă Mã Cẩm Tú, tŭm 3 ngế kot mâ hơnăm 2010, rơtế ối a cheăm Ea H’leo, tơring Ea H’leo ƀă cho hok tro lâm 6 hngêi trung râ má péa Chu Văn An.

Dak Lak: Pơtối tơ’nôm môi roh klâk têa pú hên pro 3 ngế hok tro hlâ

Roh klâk têa a kơxê 4/6, drêng 3 ngế muăn Anh, Bảo ƀă Tú veăng roh mơgêi mơ’nui hơnăm a hngêi trung râ má péa Chu Văn An, klêi mê djâ dêi pó a kơpong têa plông Oóc, ối tung thôn 5, cheăm Ea H’leo, tơring Ea H’leo vâ xah hêi. Klêi kơ’nâi trâm xía vâ châi hiâm, kăn teăng mâ khu râ kăn pơkuâ cheăm hiăng troh lăm kơ-êng, hơlêm rơpŏng ƀă diâp môi iâ liăn ăm nôu pâ vâi muăn vâ ‘mé mâu vâi muăn ki hlâ klâk têa.

A Sa Ly tơplôu ƀă tơbleăng