Tiah mê, pôa Đinh Xuân Hà, Kăn pơkuâ Khu ngăn pơkâ ƀă ‘no liăn cheăng pro kăn pơkuâ Ƀơrô cheăng séa ngăn kong pơlê. Pôa Võ Nghị Tuyên, Kăn pơkuâ ngăn Đảng tơring Lak pro kăn pơkuâ Khu ngăn pơkâ ƀă ‘no liăn cheăng.

Tơpui a roh pêi cheăng, kăn hnê ngăn Vi ƀan kong pơlê Dak Lak rơhêng vâ, tung hnoăng cheăng nếo, prế  pôa kố tối kal pơtối rak vế krá tơniăn ivá khên tơnôu ‘na tơdroăng kal kí, mơdêk hiâm mơno pôu râng dêi hnoăng cheăng, ivá cheăng ki pêi; pôi tá la lâi pơtê mơ-eăm, hriâm ƀối ƀă mơdêk hiâm mơno pôu râng hnoăng cheăng; mơjiâng tơdroăng tơrŭm vâ rơtế ƀă tâi tâng pêi pro ƀlêi chiâng mâu hnoăng cheăng châ pơcháu.

Tơpui a rôh xo dêi hnoăng cheăng, kăn pơkuâ Ƀơrô cheăng séa ngăn kong pơlê Đinh Xuân Hà prế kăn pơkuâ Khu pơkâ ƀă ‘no liăn cheăng Võ Ngọc Tuyên tối hâk tơngăm drêng châ tơngah pơcháu ăm hnoăng cheăng ki nếo.