Tiô Pơkâ, pôa Đinh Xuân Diệu – Kăn hnê ngăn Vi ƀan tơring Krông Păč châ rah xo to pro kăn pơkuâ mâu kơpong hngêi kơmăi kơmok kong pơlê Dak Lak. Xông tơpui tơdah hnoăng cheăng, pôa Đinh Xuân Diệu tối tơdroăng hâk tơngăm châ khu râ kăn pơkuâ kong pơlê loi tơngah, loi khât pơcháu hnoăng cheăng nếo; tơkêa kô đi đo hriâm tâp, pơtối mơdêk tơdroăng ki tơnôu ‘na kal kí, rơkê tung pêi cheăng, mơnhông hiâm mơno pôu râng hnoăng cheăng, hbrâ ‘nâi tơdroăng; thăm tơrŭm môi tuăn rơtế khu pú hên Khu pơkuâ mâu khu kơmăi kơmok kong pơlê kêi đeăng lĕm tro mâu hnoăng cheăng châ pơcháu.

Hdrối mê, hâi lơ 25/10, Kơ koan Kan sát séa ngăn, Khu xiâm pơkuâ Kŏng an hiăng xăm tối ƀă pôa Bùi Văn Từ - Kăn pơkuâ mâu kơpong kơmăi kơmok kong pơlê Dak Lak vâ séa ngăn ‘na tơdroăng ‘’Tơdah kơxô̆ liăn ki ôh tá lĕm’’.