Dak Lak nôkố ai 20 toăng hngêi kơmăi on tơhrik ƀă 5 toăng  hngêi kơmăi on tơhrik a kong pơlê ki ê ai tơdjuôm têa kroăng. Vâ rak tơniăn tâi tâng mâu long têa ƀă kơpong peăng hdroh tung rơnó mê hngê, kong pơlê Dak Lak pơkâ thế mâu ngế ki pơkuâ long têa hngêi kơmăi pêi pro kơtăng tơdroăng ki séa ngăn mâu long, athế séa ngăn đi đo tơdroăng ki ôh tá tơniăn dêi kong prâi, vâ séa ngăn long têa ki ‘măn têa, teăm tối tơbleăng troh khu kăn pơkuâ kong pơlê ƀă kuăn pơlê tung tơdroăng ki mơ’no têa tơdrêng.

Kong pơlê xuân hnê mơhno ăm kơvâ cheăng kơmăi kơmok ƀă tê mơdró tơrŭm krá tơniăn ƀă khu kăn pơkuâ ƀă mâu tíu pêi cheăng ki ai tơdjâk troh thăm mơdêk hnoăng cheăng séa ngăn a mâu kơpong ki hiăng tơ’nhiê mơni kô tơ’lêi tơhnah vâ ‘mêng, rơnêu teăm tơdrêng.