Dak Lak rĕng pơcháu tơnêi tíu ăm tơdroăng ki bro troăng kân Khánh Hòa - Ƀuôn Ma Thuột
Thứ ba, 08:59, 09/01/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Klêi kơ’nâi hên ivá mơ-eăm rơtế ƀă tơdroăng ki tŏng kum ing Chin phuh, mâu khu xiâm, kơvâ cheăng tơnêi têa tung tơdroăng tŏng kum xơpá, kong pơlê Dak Lak hiăng pơcháu ăm vâ chê tŭm mâu tơnêi tơníu ăm mâu tíu pêi cheăng pro troăng kân Khánh Hòa - Ƀuôn Ma Thuột.
Nôkố mâu tíu pêi cheăng bro troăng dế tơbleăng pro troăng tung kong pơlê vâ kum ăm tơdroăng bro tâi tâng troăng vâ rak tơniăn tơdroăng pơkâ pro. Tơdroăng tơkêa bro troăng prôk Khánh Hòa - Ƀuôn Ma Thuột ai ki xŏn dâng 117,5 km tơkoh ƀă kong pơlê Khánh Hòa – Dak Lak.
Túa pơkâ tơdroăng tơkêa kố cho 4 troăng rơxế kơtâu tơluâ, bro ing hơnăm 2021 – 2025. Tâi tâng kơlo liăn ‘no vâ chê 22 rơpâu rơtal ing liăn ngân tơnêi têa. Klêi kơ’nâi châ Chin phuh, mâu khu xiâm kơvâ cheăng tŏng kum ki xơpá ai tơdjâk troh, troh nôkố tơdroăng ki gu mâu tơnêi vâ pơcháu ăm tíu pêi cheăng bro troăng hiăng vâ klêi, u ối iâ kô châ pơcháu klêi hdrối Têt Lo hơnăm nếo 2024. Tơdroăng pơkâ tíu ki ok prê hmốu xuân hiăng pro klêi.
Viết bình luận