VOV4.Xơ Đăng - Klêi khu xiâm rak ngăn hdrê loăng plâi ƀă pơkeăng xôh kơdê ôa hdrong, Khu xiâm ngăn ‘na chiâk deăng - Mơnhông mơdêk thôn pơlê ăm ‘nâi, hâi lơ 11/7, Khu xiâm ngăn tê mơdró tơkăng kong Sinuâ hiăng kĭ pơkâ thế séa ngăn hôp ai pơkeăng hên a plâi sầu riêng ki Việt Nam tê ăm kong têa kố. Ing mê, plâi sầu riêng dêi Việt Nam kô châ tê tơkâ luâ mâu bo cheăng tê mơdró tơkăng kong dêi Sinuâ tâng pêi pro tro mâu pơkâ. Tơdroăng pơkâ tung kơthô ai xêt tung 3 hơnăm. Kố cho tơdroăng ki ro ƀă mơngế pêt sầu riêng tung lâp tơnêi têa tối tơchoâm ƀă Dak Lak tối krê.

Dak Lak ro xua plâi sầu riêng châ tê kĕn kong têa Sinuâ

Tiô khu xiâm ngăn ‘na chiâk deăng- mơnhông mơdêk thôn pơlê Dak Lak, lâp kong pơlê ai 17 rơpâu ha sầu riêng, tung mê ai dâng 15 rơpâu ha hiăng ai plâi; dâng 140 rơpâu tâ̆n. Tâng riên rêm hơnăm ai troh 70% plâi sầu riêng Dak Lak châ tê kê̆n kong têa Sinuâ.

Gương tơplôu ƀă tơbleăng