VOV4.Xơ Đăng -  Dak Lak kal tơkŭm tah lôi mâu ‘’tíu ki kreăng’’, ‘’tíu kât krá’’ vâ rĕng mơ’no liăn cheăng tơnêi têa. Kố cho pơkâ Hô̆i đong kong pơlê pơkâ mơ’no a hneăng hôp Hô̆i đong kuăn pơlê kong pơlê má 4, hneăng má X, hneăng hơnăm 2021 – 2026 pơxiâm po hâi lơ 13/7.

Tâi tâng a hneăng hôp

Rơtế ƀă tơdroăng mơnhên tơdroăng, tơdroăng châ tơƀrê pêi pro pơkâ pêi mơnhông mơdêk cheăng kâ – rêh ối pơlê pơla, kring tơniăn cheăng lêng 6 khế apoăng hơnăm ƀă mâu hnoăng cheăng ki xiâm 6 khế mơ’nui hơnăm, a hneăng hôp kố, Hô̆i đong kuăn pơlê kong pơlê Dak Lak kô tơpui tơno, tơbleăng ăm pêi pro hên pơkâ ki kal môi tiah: Pơkâ xing xoăng chêh nhên xo hnoăng mơhá tơmeăm to kơnâ ƀă mâu tơdroăng mơjiâng tơmeăm tung kong pơlê; Pơkâ kơlo xo hnoăng liăn ‘na tơdroăng pơ’lêh troăng hơlâ mơ’no liăn cheăng mâu tơdroăng tơkêa bro tŏng kum mơnhông mơdêk kơpong tơkăng kong – Tơdroăng tơkêa bro kŭn kong pơlê Dak Lak; Pơkâ ‘na troăng pêi, tơdroăng pơkâ pêi troh, kơlo xing xoăng liăn ngân Tơnêi têa pêi pro Tơdroăng pơkâ xiâm tơnêi têa mơnhông mơdêk cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo, hneăng hơnăm 2021 – 2030.

A Sa Ly tơplôu ƀă tơbleăng