Dak Lak nôkố ai 2 tơdroăng tơkêa bro FDI xua khu mơ’no liăn cheăng kong têa Nhuk pêi pro. Pakĭng mê, Kơ koan tơrŭm cheăng lâp plâi tơnêi kong têa Nhuk JICA hiăng tŏng kum ăm kong pơlê Dak Lak pêi pro 21 tơdroăng cheăng, tơdroăng tơkêa bro ODA ƀă tâi tâng kơxô̆ liăn lối 24 rơtuh dolar, tơkŭm tung mâu kơvâ on tơhrik, troăng kân, tíu chuâ têa krúa ƀă long hno têa. Spa ơnăm 2001 troh nôkố, kong pơlê hiăng tơdah 22 kơxô̆ liăn tŏng kum pakong Chin phuh ing 3 khu tŏng kum kong têa Nhuk ƀă tâi tâng ki kơnâ 1,6 rơtuh dolar. Mâu khu tê mơdró dêi kong pơlê Dak lak nôkố tê ngi kong têa Nhuk hên tơmeăm môi tiah kơphế pơ’leăng, kơphế tơpoăng, tơdrong ôa kơdruâ, ca cao, mắc ca.

Tung 5 hơnăm hiăng hluâ, Khu tơrŭm cheăng nhŏng o Việt Nam – Nhuk kong pơlê Dak Lak hiăng tơdjêp, pơto tŏng kum liăn ngân pakong Chin phuh kong têa ê ƀă tâi tâng kơxô̆ liăn vâ chê 4 rơtal 600 rơtuh liăn. A hneăng hôp, Khu tơrŭm cheăng nhŏng o Việt Nam – Nhuk kong pơlê Dak Lak hneăng hơnăm 2023 – 2028 mơnhên, tung hneăng la ngiâ, Khu tơkŭm mơdêk tơdroăng tơpui ƀă kong têa ê, mơdêk châ tơƀrê mâu tơdroăng mơjiâng hơniêp lĕm, rŭm môi tuăn, tơrŭm nhŏng o ƀă tơrŭm cheăng Việt Nam – Nhuk a kong pơlê; pơtối mơdêk châ tơƀrê mâu tơdroăng tŏng kum pakong Chin phuh kong têa ê.