VOV4.Xơ Đăng - Kơxo lơ (23/6), Khu kăn Đảng ủy kong pơlê Dak Lak hiăng tơkŭm po hneăng hôp tơbleăng pơkâ mơjiâng ƀă tơbleăng Khu hnê mơhno hbrâ mơdât kâ kơluâ, pro ôh tá tro tung kong pơlê Dak Lak ai 15 ngế xua pôa Nguyễn Đình Trung - Ngế cheăng tung tíu xiâm Đảng, Kăn hnê ngăn Đảng ủy kong pơlê pro xiâm pơkuâ. Mâu ngế pro xiâm phŏ mê cho Pôa Phạm Minh Tấn – Kăn phŏ hnê ngăn Đảng ủy kong pơlê; pôa Nguyễn Thượng Hải – Ngế  xiâm khu tơkŭm po dêi Đảng ủy kong pơlê; pôa Lê Văn Nghiã, Kăn hnê ngăn Vi ƀan Séa ngăn Đảng ủy kong pơlê, Pôa Lê Vinh Quy - Ngế pơkuâ xiâm Kŏng an kong pơlê.

Dak Lak tơbleăng Khu hnê mơhno Hbrâ mơdât kâ kơluâ, pro ôh tá tro

Klêi hneăng hôp Tíu xiâm má 5, ƀă tơmeăm mơ-eăm tâi ivá thâ pêi, pêi kơtăng, Khu kăn Đảng ủy kong pơlê Dak Lak hiăng tơpui tơno, môi tuăn pơkâ mơjiâng Khu hnê mơhno hbrâ mơdât kâ kơluâ, pro ôh tá tro dêi kong pơlê. Dak Lak xuân cho môi tung mâu kong pơlê rĕng pê klêi Khu hnê mơhno râ kong pơlê ‘na hbrâ mơdât kâ kơluâ, pro ôh tá tro.

Gương tơplôu ƀă tơbleăng