Ing mê, tung hơnăm 2023, kơvâ ngăn on tơhrik kô tơbleăng pơ’lêh hâi chêh kơlo kơxô̆ kŏng tơ on tơhrik  chêh a hâi mơ’nui khế ăm 289 rơpâu ngế ki xúa (châ 48,5% tung tâi tâng kơxô̆ mơngế ki xúa), cho mâu rơpŏng ki ai hâi chêh kơlo kơxô̆ sap hâi lơ 16 tơngi ngiâ.

Tung hơnăm 2024, kơvâ ngăn on tơhrik kô pơ’lêh hâi chêh kơlo kơxô̆ kŏng tơ vêh hâi má mơ’nui khế ăm tâi tâng mâu ngế ki xúa on tơhrik ki u ối. Tiô ăm ‘nâi sap apoăng hơnăm  2023, Khu ngăn  on tơhrik Dak Lak hiăng pê klêi tơdroăng cheăng krâ ‘măn kŏng tơ on tơhrik ƀă kơmăi ki chiâng hrik xo xêh mâu tơdroăng ki vê hdró riân  ing hơngế ăm 100% ngế ki xúa on tơhrik, tơniăn ‘na tơmeăm khoăng vâ chêh kơlo kơxô̆ a mơ’nui khế, tơ’lêi hlâu ăm mơngế ki xúa tơ’lêi pâ, tơ’lêi tí tăng ngăn, séa ngăn.

Tơdroăng pơ’lêh mê xuân vâ mơdêk ki tơƀrê lĕm, pơxúa, tơdrăng, tơ’lêi hlê tung hnoăng cheăng rak ngăn vế hdró riân ngăn on tơhrik kơtâu, chêh kơlo kơxô̆ ƀă hlối chêh hoă đơn liăn on tơhrik.