VOV4.Xơ Đăng -  Sap apoăng hơnăm troh nôkố, kong pơlê Dak Lak hiăng tơdah vâ chê 260 rơpâu  ngế tơmối troh ôm hyô , ki hen cho tơmối tung tơnêi têa. Tâi tâng kơxô̆ liăn cha ão ‘na ôm hyô châ lối 121 rơtal liăn. Nôkố, kong pơlê dế mơ-eăm tơbleăng mâu troăng rơhlâ vâ ‘mâi mơnhông ôm hyô tung pơla ai tơdroăng tiah hmâ mếo. Ing  tơdế khế 3, Vi ƀan kong pơlê Dak Lak  hiăng pơkâ lôu péa ôm hyô lâp tơnêi têa ƀă tung kong têa ing troăng prôk chêng ƀă troăng tơ-ƀai. Séa ngăn ƀă tí tăng ngăn ki tơ-brê mâu tơmeăm ôm hyô ki ai hlâu a mâu tíu ôm hyô.

Dak Lak tơdah vâ chê 260 rơpâu ngế tơmối troh ôm hyô

Mơ-eăm tơdjêp, tơ’mot tơmôi ôm hyô ƀă mâu kong pơlê, pơle ekong kân tung tơnêi têa ƀă lâp plâi tơnêi. Mơjiâng mâu tơmeăm ôm hyô ki nếo, tơrŭm ƀă kơpong vâ mơjiâng mâu Tour, tíu ôm hyô. Kong pơlê Dak lak xuân ai mâu troăng hnê nhên mâu tíu pro ôm hyô, mâu tíu ối pơtê ‘na tơdroăng tơpui ƀă tơdah tơmối  drêng  ai ngế ki dương tĭnh ƀă Covid-19.

Gương tơplôu ƀă tơbleăng