VOV4.Xơ Đăng - Kơmăng lơ 10/7, a Tíu xiâm mơhno túa lĕm tro kong pơlê Dak Lak, Khu pêi cheăng ing hiâm mơno Dak Lak tơrŭm ƀă Khu pơkuâ ‘na mơhno túa lĕm tro – Tơ’noăng ivá ƀă Ôm hyô kong pơlê Dak Lak tơkŭm po kơmăng hơdruê xuâng vâ tŏng kum mơngế pá puât Tơdroăng ki tơviah ing plâi nuih. Ing mê châ kơxô̆ liăn lối 660 rơtuh liăn môi tuăn mâu tơdroăng tŏng kum hnê klê têa tê kơtê ƀă mơnhông mơdêk tơdroăng teăn rơneăm ếo pơtâk hdroâng kuăn ngo a kong pơlê.

Khu tơkŭm po diâp mơ-éa mơnhên ăm mâu ngế krê, khu ki veăng tŏng kum ăm tơdroăng pêi cheăng

Akố ai mâu tơdroăng diâp péa tơpéa chêng khŏng ki má môi a rơneăm pro lĕm xua khu hriăn plĕng khôi túa lĕm tro La Quốc Bảo pro krê diâp ăm tơdroăng pleăng hnoăng cheăng tŏng kum mơngế pá puât dêi Khu pêi cheăng ing hiâm mơno Dak Lak. Péa tơpéa chêng khŏng châ khu tê vâ xo liăn vâ pêi cheăng. Khu tơkŭm po hiăng tơdah châ lối 660 rơtuh liăn ing tơdroăng hnê klê têa ăm vâi hdrêng ƀă mơjiâng hngêi trá xŏn Rơđế tiô khôi vâi krâ nah pro tíu teăn ƀă tơbleăng tơmeăm ki pro ƀă kơpeăng kŏng pro lĕm mơnâ mâ ngăn ăm khu vâi kơdrâi teăn rơneăm ếo pơtâk a cheăm Dray Bhăng, tơring Čư Kuin.

A Sa Ly tơplôu ƀă tơbleăng