VOV4.Xơ Đăng - Hâi lơ 7/6, Khu pơkuâ hnê ngăn Đảng ủy Dak Lak tơrŭm ƀă Học viện Chính trị Quốc gia Hồ Chí Minh tơkŭm po rôh hôp khoa hok ai inâi “Kong pơlê Dak Lak tơkŭm mơnhông pêi chiâk deăng tiô troăng ki rơkê plĕng, krá tơniăn ton”. A rôh hôp, mâu kăn hiăng rơtế ƀă dêi rơpó tơpui tơno ‘na tơdroăng, ki rơdêi, rôh pơloăng mơnúa, troăng tơmiât ƀă troăng hơlâ vâ mơnhông pêi chiâk deăng Dak Lak tiô troăng ki rơkê plĕng, krá tơniăn ton, ‘mâi mơnhông tơdroăng ki ôh tá tơdâng tơ’mô tung tơdroăng kơnía pêi chiâk deăng a kong pơlê nôkố.

Tâ tá rôh hôp

Tiô khu pơkuâ ngăn Đảng Dak Lak, mơnhông pêi chiâk deăng tiô troăng ki rơkê, krá tơniăn ton cho môi tung 6 tơdroăng hnoăng cheăng ki kal vâ mơnhông cheăng kâ dêi kong pơlê, châ tối a tơdroăng pơkâ hneăng hôp kân Đảng ƀô̆ kong pơlê rôh má 17, hneăng hơnăm 2020 – 2025. A rôh hôp, mâu kăn hiăng pơkâ mơ’no mâu mơnhông pêi chiâk deăng xúa kơmăi kơmok chal nếo môi tiah xúa tơdroăng ki rơkê dêi khoa hok kih thuât, tơ’mot ‘no liăn, xúa mâu tơdroăng ki rơkê plĕng dêi rôh kăch măng kơmăi kơmok 4.0 tung kơvâ pêi chiâk deăng.

Ing mê pro tơdâng tơ’mô ăm Dak Lak vâ mơnhông pêi chiâk deăng rơkê plĕng, krá tơniăn ton, pêi pro mơnhông pêi chiâk deăng kong kế nhâ loăng thôn pơlê rơkê plĕng, kuăn pơlê rơkê”.

Katarina Nga tơplôu ƀă tơbleăng