VOV4.Xơ Đăng - Hâi lơ 28/6, Khu ngăn ‘na Mơhno túa lĕm tro, Tơ’noăng ivá ƀă Ôm hyô kong pơlê Dak Lak tơrŭm ƀă Khu ngăn vâi kơdrâi kong pơlê tơkŭm po Rôh tơ’noăng tăng ‘nâi tơdroăng hlê plĕng ‘na luât rơpŏng hngêi ƀă hbrâ mơdât xiăn pâm tung rơpŏng hngêi kong pơlê Dak Lak. Veăng tung rôh tơ’noăng kố ai 15 rơpŏng hlê plĕng a 12 tơring, pơlê kong krâm, pơlê kong kơdrâm ƀă mâu khu râ, kơvâ cheăng, mâu râ, khu lêng kring vế tơniăn; teăng mâ ăm vâ chê 455 rơpâu rơpŏng a kong pơlê Dak Lak.

Khu tơkŭm po diâp pri ăm mâu rơpŏng ki veăng tung rôh tơ’noăng

Mâu rơpŏng hiăng tơkâ luâ 4 rôh tơ’noăng mê cho: tơbleăng ‘na mâu ngế tung rơpŏng hngêi; tơ’noăng ki tơdroăng ki hlê plĕng ‘na troăng hơlâ, troăng hơlâ pơkâ dêi Đảng, luât dêi Tơnêi têa ai tơdjâk troh hnoăng cheăng rơpŏng hngêi; tơ’noăng tơpui tiâ rơkong kơ-êng tung tơdroăng rêh ối rơpŏng hngêi ƀă tơdroăng ki hlê, rơkê hâk vâ. Rôh tơ’noăng cho tíu ki xah hêi vâ mâu rơpŏng tơrŭm tâ nếo tơdroăng pâ nhuô̆m pơla mâu ngế ƀă dêi rơpó, rơtế trâm mâ, tơpui tơno, tơbleăng ăm dêi rơpó tơdroăng ki hlê plĕng tung tơdroăng rêh ối rơpŏng hngêi.

Katarina Nga tơplôu ƀă tơbleăng