Rôh séa ngăn, mơnhên ngăn tơkŭm a 3 tơdroăng xiâm: tơdroăng pơkuâ, hnê mơhno, pêi pro inhên mâu troăng hơlâ, pơkâ dêi Tơnêi têa ‘na tơdroăng cheăng kăn ƀô̆; tơdroăng châ tơƀrê pêi pro tơdroăng cheăng kăn ƀô̆ ƀă séa ngăn tơdroăng châ tơƀrê pêi pro mơgêi séa ngăn, mơnhên ngăn rôh má 1, rôh má 2.

Xông tơpui a hôp tơno tơdroăng kal, pôa Nguyễn Thanh Nghị mơnhên Khu pơkuâ tơdroăng cheăng Đảng kong pơlê Dak Lak hiăng hbrâ tơbleăng ki xiâm séa ngăn, pơkâ, tiâ tối tơdroăng châ tơƀrê, kơdroh ƀă pâ thế tung tơdroăng rah xo kăn ƀô̆.

Pôa tối nhên pơkâ ki kal rôh séa ngăn, mơnhên ngăn cho teăm tơdrêng châ hlo, rơnêu nếo mâu pá puât, tơdroăng ki ôh tá hâi tro, mơjiâng khu kăn ƀô̆ tơxâng pơkâ tung rơxông nếo.