6.VOV4.Xơ Đăng - Ƀă inâi: ‘’Tơ’mot ‘no liăn mơnhông krá tơniăn ton pêi chiâk deăng kế tơmeăm tơkŭm, tơtro ƀă uâ pơliê, mơdiê, tê kế tơmeăm’’, Rôh hôp pơkâ mơdêk ‘no liăn cheăng tung kơvâ pêi chiâk deăng kong pơlê Dak Lak hơnăm 2022 po a hâi lơ 28/4/2022 a pơlê kong kơdrâm Ƀuôn Ma Thuột, kong pơlê Dak Lak. Rôh hôp ai veăng dêi Khu xiâm ngăn chiâk deăng ƀă Mơnhông thôn pơlê rơtế ƀă mâu Khu xiâ, kơvâ cheăng, kơ koan Tơnêi têa; Kăn teăng mâ 15 to kong têa, mâu khu kăn ing kong têa ê; Kăn pơkuâ Vi ƀan hnê ngăn, Khu ngăn chiâk deăng ƀă Mơnhông thôn pơlê, Khu pơkâ ƀă ‘no liăn dêi 25 to kong pơlê, pơlê kong kân; lối 200 ngế kăn teăng mâ mâu khu tơrŭm, hngêi rak liăn, khu mơdró kâ, khu ‘no liăn tung tơnêi têa ƀă kong têa ê, mâu tíu ki tê mơdró điê̆n tưh ki kân tung tơnêi têa ƀă hên ki ê.

A rôh hôp kố, kong pơlê Dak Lak tơbleăng 109 to tơdroăng tơkêa kơpong tơ’mot ‘no liăn, mê cho pêt kế tơmeăm, păn mơnăn mơnoâ, pêi chiâk deăng tơtro ƀă tơdroăng ôm hyô kong kế nhâ loăng, tơrŭm pêt tiô troăng ki kơnía krá ton.

Rôh hôp Pơkâ mơdêk ‘no liăn cheăng tung kơvâ pêi chiâk deăng kong pơlê Dak Lak hơnăm 2022 cho tơdroăng ki ai pơxúa khât, cho rôh vâ kong pơlê Dak Lak tơbleăng tơdroăng ki ai khât, tơdroăng ki ai hlâu, ki rơdêi, tơnêi tơníu vâ mơnhông tung kơvâ pêi chiâk deăng, uâ pơliê kế tơmeăm, ká xi xŏng, rơtế prôk, ivá mơ-eăm hơ’lêh tung tơdroăng ki ‘no liăn cheăng, tê mơdró, tŏng kum mâu khu ki ‘no liăn cheăng kum ‘na Dak Lak ai hên kế tơmeăm ki ai hlâu mơnhông ƀă cho tíu troh hơniâp ro, tơniăn.

Katarina Nga tơplôu [ă tơbleăng