Dak Lak: Tơniăn ‘na troăng prôk tung pơla krí tê hên plâi sầu riêng
Thứ hai, 14:24, 18/09/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Pơla kố mơngế pêt sầu riêng a Dak Lak dế troh rơnó krí hên. Rêm hâi ai hrĭng toăng rơxế container ki kân hngăm ƀă hên túa rơxế kân, rơxế tu tuh, rơxế chơ, rơxế ba-gak... chơ plâi sầu riêng kơtâu drô troăng kân lăm tê. Mâu khu râ pơkuâ cheăng dế mơdêk hnoăng cheăng séa ngăn, tăng ngăn, vâ rak tơniăn drô troăng prôk.
Vâ châ tơniăn ‘na troăng mâu kăn sát gâk troăng prôk hiăng xoăng thế 100% ngế mơdêk gak ngăn a drô troăng pôi tá ăm ai tơdroăng chôm drô troăng, lơ trâm xía vâ drô troăng; pakĭng mê, hlối thế mâu ngế ki vê rơxế container kĭ tơhrâ râk vế pêi pro tro luât pơkâ prôk drô troăng, ôh tá chiâng chơ lối hên luât pơkâ, ôh tá chiâng kơtâu têi luât tơdroăng pơkâ ƀă hên ki ê.
Kong pơlê Dak Lak ai lối 22 rơpâu 500 ha sầu riêng, pêt hên a mâu tơring Čư̆ Mgar, Čư̆ Kuin, Ea Kar, Krông Ƀuk, Krông Năng, Krông Păč, Ea Hleo ƀă pơlê kong krâm Ƀuôn Hồ. Tung mê , lối 10 rơpâu ha dế châ krí, plâi châ xo tung hơnăm 2023 kố riân châ 185 rơpâu tâ̆n.
Viết bình luận