VOV4. Xơ Đăng - Kơxo lơ 15/6, vâ chê 2.000 ngế hok tro râ má péa a Dak Lak veăng tơ’noăng mot hriâm lâm 10, hơnăm hriâm 2022-2023. Hneăng tơ’noăng mot hriâm lâm 10 a Dak Lak ai Hô̆i đŏng tơ’noăng, tơkŭm po tơ’noăng a 3 hngêi trung, mê cho: hngêi trung râ má pái phôh thong chuyên Nguyễn Du, hngêi trung râ má pái hnê kuăn ngo kâ koi ối pơtê N’Trang Lơng ƀă Hngêi trung râ má pái hnê kuăn ngo ai tíu kâ koi Dam San.

Dak Lak: Vâ chê 2.000 ngế hok tro pơxiâm tơ’noăng mot lâm 10

56 toăng hngêi trung râ má pái mê ƀă 1 to hngêi trung hnê ‘na pơtâp ivá (ai hnê râ má pái phôh thong) ki u ối tơkŭm rah xo ƀă tơdroăng séa ngăn a điêm hriâm. Vâ rak tơniăn ƀă tro tiô pơkâ tơ’noăng, Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Dak Lak hiăng ăm 255 ngế kăn ƀô̆, thái cô, mâu ngế a mâu tíu pêi cheăng ki ê troh lăm ngăn tơ’noăng. Pakĭng mê, Hô̆i đŏng ngăn tơ’noăng xuân hiăng tơrŭm ƀă kơ koan khu râ pơkuâ cheăng tung kong pơlê, mơhno xoăng mâu ngế kring gak kơpong tơ’noăng.

Gương tơplôu ƀă tơbleăng