VOV4.Xơ Đăng - Kơxo lơ  27/5, Vi ƀan kong pơlê Dak Nông tơkŭm po hneăng hôp tơpui ‘na ‘mâi hơ’lêh tơdroăng ‘no liăn cheăng tê mơdró, veăng hôp mê ai khu mơdró, mâu kăn rêm tíu pêi cheăng cheăm tơring, kong pơlê, teăng mâ ƀơrô ngăn tê mơdró ƀă kơmăi kơmok Việt Nam (VCCI) ƀă kăn teăng mâ mâu kong pơlê  ki ối má môi tung lâp tơnêi têa ‘na ki tơ-brê tơbriêt cheăng râ kong pơlê.

Hơnăm 2021, PCI dêi kong pơlê Dak Nông ối má 52/63 kong pơlê, pơlê kong kân tung lâp tơnêi têa, tâk 8 râ tâng vâ pơchông ƀă hơnăm 2020, luâ 7 râ tâng pơchông ƀă tơdroăng pơkâ. Kố xuân cho kơ lo ki má môi dêi kong pơlê châ pêi pro tung 5 hơnăm achê kố.

Rơtâ tá hneăng hôp

Ing hâi apoăng hơnăm kố, kong pơlê Dak Nông hiăng séa ngăn tối mâu tơdroăng xơpá tơvâ tơvân tung ‘no liăn cheăng dêi kong pơlê, pơtối tơmâng xo hên chât tơdroăng hnê tối dêi mâu khu mơdró ‘na kơvâ cheăng mê. Pôa Hồ Văn Mười, Kăn hnê ngăn Vi ƀan kong pơlê Dak Nông tối  mơ-eăm mơdêk kơlo pêi lo CPI hơnăm  2022 ƀă mâu hơnăm pơtối tiô tơdroăng ki tơ-brê tâ; pro ăm tơdroăng ‘no liăn cheăng, tê mơdró tơ’lêi hlâu, tơdrăng pro xiâm loi khât dêi khu mơdró pêi cheăng tơniăn ƀă mơnhông mơdêk.

Gương tơplôu bă tơbleăng