.VOV4.Xơ Đăng - Kơxo lơ 6/7, a Rôh hôp má 8, Khu pơkuâ ngăn Đảng ƀô̆ kong pơlê Dak Nông hneăng 12, hneăng hơnăm 2020 – 2025, Khu pơkuâ ngăn Đảng ủy hiăng tơbleăng pơkâ mơjiâng Khu hnê mơhno hbrâ mơdât kâ kơluâ liăn ngân kong pơlê Dak Nông. Khu hnê mơhno hbrâ mơdât kâ kơluâ liăn ngân kong pơlê Dak Nông ai 15 ngế cheăng, mê cho: 1 ngế pơkuâ khu, 5 ngế phŏ pơkuâ khu ƀă 9 ngế ủy viên.

Pôa Ngô Thanh Danh, kăn pơkuâ Khu hnê mơhno cheăng hbrâ mơdât kâ kơluâ liăn ngân kong pơlê Dak Nông

Pôa Ngô Thanh Danh, kăn pơkuâ ngăn Đảng, kăn pơkuâ Khu kăn Kuô̆k hô̆i kong pơlê pro kăn pơkuâ khu hnê mơhno cheăng hbrâ mơdât kâ kơluâ liăn ngân kong pơlê Dak Nông. Kơvâ cheăng tơdjâk, hnoăng cheăng, hnoăng pơkuâ, khu tơrŭm mâu kơ koan tơnêi têa, tơdroăng pêi cheăng, tơrŭm cheăng dêi Khu hnê mơhno cheăng hbrâ mơdât kâ kơluâ liăn ngân kong pơlê pêi pro tiô pơkâ dêi Khu pơkuâ ngăn Tíu xiâm Đảng ƀă pơkâ dêi Khu pơkuâ ngăn Đảng ủy.

Katarina Nga tơplôu ƀă tơbleăng