VOV4.Xơ Đăng - Pái rơtuh xiâm loăng ngiât kô châ kong pơlê Dak Nông mơhnhôk pêt a mâu troăng kơphô̆, mâu kơpong kơdrâm kuăn pơlê rêh ối tê mơdró ƀă mâu kơpong kong ai tíu kong kế lĕm drô mâu troăng kân kong pơlê klăng roh leh tơbâ 132 hơnăm hâi kot mâ pôa Hồ Chí Minh. Tơdroăng châ khu râ kăn pơkuâ Vi ƀan kong pơlê Dak Nông tối a roh hôp khu chêh hlá tơbeăng hâi lơ 17/5 ‘na tơdroăng ngê̆ thuât leh tơbâ 132 hơnăm hâi kot mâ Pôa Hồ Chí Minh ƀă leh mơhnhôk ‘’Têt pêt loăng troh tá ah pâ Pôa Hồ’’.

Pêt 3 rơtuh xiâm loăng ngiât châ kong pơlê Dak Nông mơhnhôk pêt roh kố ai dâng 1 rơtuh xiâm loăng hngó pái kơtâ hlá kô châ pêt a drô troăng kân lăm ngi kong pơlê ki ê kơxô̆ 14 ƀă 28

Tung 3 rơtuh xiâm loăng ngiât châ kong pơlê Dak Nông mơhnhôk pêt roh kố ai dâng 1 rơtuh xiâm loăng hngó 3 kơtâ hlá kô châ pêt drô mâu troăng kân lăm ngi kong pơlê ki ê kơxô̆ 14 ƀă 28, a mâu kơpong kong tro kếo ‘nhê, hdi tơnêi ôh tá tro luât.

Krê a leh mơhnhôk a kơxo lơ 19/5, rơtế ƀă khu đoân viên, droh rơtăm, kăn ƀô̆ kŏng nhân viên mâu kơ koan tơnêi têa, kong pơlê mơhnhôk lối 3.250 ngế kăn ƀô̆, mâu lêng veăng pêt loăng a mâu tíu ki kong tro kếo ‘nhê a troăng kân lăm ngi kong pơlê ki ê kơxô̆ 14 ƀă 28.

A Sa Ly tơplôu ƀă tơbleăng