Dak Nông trâm mâ kuăn pơlê a hdrối Hneăng hôp má 8, Kuô̆k hô̆i hneăng má XV
Thứ năm, 10:42, 26/09/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Tung péa hâi hiăng hluâ (24 ƀă 25/9), Khu râ kăn teăng mâ Kuô̆k hô̆i kong pơlê Dak Nông hiăng pêi pro mâu roh trâm mâ kuăn pơlê a mâu cheăm Dak Sin (tơring Dak Rlâp, bêng Nghĩa Trung, pơlê kong kơdrâm Gia Nghĩa), cheăm Nâm N’Dir, tơring Krông Nô ƀă cheăm Ea Pô, tơring Čư Jut, tơmâng rơkong tơpui dêi kuăn pơlê ahdrối Hneăng hôp má 8, Kuô̆k hô̆i hneăng má XV.
A mâu roh trâm mâ, Khu râ kăn teăng mâ Kuô̆k hô̆i Dak Nông tơbleăng troh kuăn pơlê tối hdrối tơdroăng xiâm, tơdroăng Hneăng hôp má 8, Kuô̆k hô̆i hneăng má XV kô tơkŭm po a khế 10 la ngiâ.
Kuăn pơlê kong pơlê Dak Nông hiăng tơpui tối hên, pâ thế ‘na mâu tơdroăng ki u ối a cheăm. Kuăn pơlê pói vâ kơvâ hnê hriâm hriăn plĕng tơbleăng môi tuăn sap apoăng troh tá tui lui kơxop mơ-éa hnê hriâm ƀă kô chiâng vêh xúa vâ kơdĭng kơxô̆ liăn hriâm tâp ăm kuăn ‘nĕng. Kong pơlê kal tơmâng hên tâ mê nếo tơdroăng mơ’no liăn pro troăng klông môi tiah on tơhrik, têa krúa, hngêi pơkeăng râ tơring.
Viết bình luận