Kố cho môi tung mâu cheăm ki apoăng dêi kong pơlê Dak Lak tơkŭm po hôp kân klêi xing xoăng pro rế lĕm khu kăn pêi cheăng  kong pơlê péa râ. Cheăm Hòa Phú châ mơjiâng ing tơdroăng tơ’mot pái to cheăm Hòa Phú, Hòa Khánh, Hòa Xuân, ai lối 50.000 pơ’leăng mâ mơngế. Tung hneăng ki nếo, Đảng ƀô̆ cheăm tối kô pơ’lêh hdrê pêt mơnhông cheăng kâ tiô troăng cheăng ƀă kơmăi kơmok - mơjiâng tơdroăng cheăng kâ - tê mơdró; mơnhông pêi chiâk xúa kơmăi kơmok ki dâi lĕm - kơdroh ki tơkôm ngah to a liăn ngân tơnêi têa, tơdroăng vâ pêi pơkuâ dêi ƀă veăng ‘no hnoăng ăm kong pơlê.

Pơtối rak ki pơxúa cho a hơlâ troăng peăng Hdroh dêi kong pơlê, Hòa Phú pêi ahdrối ‘no liăn pro troăng prôk, mơjiâng tíu xiâm  logistics, mơnhông cheăng ƀă kơmăi kơmok uâ pơliê pro kế tơmeăm pê lo ing chiâk deăng ƀă ôm hyô ngăn nhâ loăng kuăn kiâ, mơ-eăm chiâng kơphô̆ pêi cheăng ƀă kơmăi kơmok tiô túa nếo a hơnăm 2035.