A rôh hôp, mâu kăn châ tâng tơdroăng tơbleăng ‘na tơdroăng kal: Môi tung mâu tơdroăng ‘na tơrŭm cheăng Việt Nam – Mih drêng rôh lăm pôu râ Tơnêi têa troh a tơnêi têa tiô rơkong krếo thế dêi pôa Nguyễn Phú Trọng, Kăn xiâm pơkuâ hnê ngăn Đảng dêi pôa Joe Biden, kăn xiâm pơkuâ kong têa Mih; Tơdroăng: Hlê plĕng nếo tuăn tơmiât nếo ‘na gak kring pơlê pơla Việt Nam tung tơdroăng nếo.

Tơdroăng kal dêi rôh hôp vâ tơkŭm ƀă mơ’no tối tâi tâng tơrŭm cheăng Việt Nam – Mih, xuân môi tiah ki hlê plĕng nếo ‘na gak kring pơlê pơla Việt Nam tung tơdroăng nếo. ‘Na troăng pơkâ tơmiât hnê tối tung la ngiâ, Đảng ủy Khô̆i mâu kơ koan Tơnêi têa pơkâ thế, mâu Đảng ủy ối tung tơnêi têa pơtối hnê tối klêi kơ’nêi pêi pro Pơkâ Tơnêi têa 4, 5, 6 hneăng, ki kal cho Tơdroăng pêi pro dêi Đảng ủy Khô̆i mâu Đảng ủy ối tung tơnêi têa vâ Pơkâ rĕng châ mot tung tơdroăng rêh ối.