Pôa Nguyễn Văn Thể, Kăn hnê ngăn Đảng ủy Khô̆i mâu kơ koan Xiâm tơnêi têa tối nhên: tơdroăng pơkâ mâu kăn ƀô̆ rêm râ thế tơniăn hnoăng pơkuâ, hnê mơhno dêi khu kăn Xiâm Đảng, Khu xiâm Kal kí, pêi pro kơtăng luât pơkâ cheăng tro tuăn kuăn pơlê ƀă hnoăng cheăng pêi dêi rêm râ ủy,  khu tơrŭm cheăng Đảng ƀă mơngế ki pơkuâ ako tiô pơkâ.

Pakĭng mê, tơniăn pơkâ nhên, môi tuăn, tơbleăng tơdrăng, ăm rêm ngế ‘nâi, vâ tơbleăng inâi ‘mot tung pơkâ mâu kăn ƀô̆ ki kơhnâ rơkê, ai hnoăng hên veăng ‘no tung pêi cheăng ƀă tơngah mơnhông tơƀrê; tŭm ivá tro tiô pơkâ, ai tiô púi vâ ‘na tơdroăng cheăng pêi. Klêi tơmâng tơbleăng inâi mơngế vâ pơkâ mot tung Khu kăn Xiâm hneăng 14, hneăng hơnăm 2026-2031, mâu kăn ki veăng hôp hiăng tơpui tơno ƀă môi tuăn rah xo 2 ngế cheăng tung Đảng ủy khô̆i pơkâ vâ mot tung Khu kăn Xiâm Đảng hneăng 14.