VOV4.Xơ Đăng - Tíu xiâm tí tăng ‘nâi plĕng tơnêi tơdro ƀă tối tơbleăng hdrối têa rơlâu lân kân - Viện Vật lý địa cầu, Viện Hàn lâm Khoa học ƀă Công nghệ Việt Nam nếo tơbleăng tối hdrối, a kơpong tơring Kon Plông, kong pơlê Kon Tum nếo ai 4 rôh tơnêi tơdro pơtối dêi pó. Ing mê roh tơnêi tơdro apoăng a 0 chôu 46 phut hâi lơ 22/6, têi 3,2 độ (ai tíu ki trâu pro tơdro dâng 8,1km).

Klêi mê, ai dâng lối 10 phut (a 0 chôu 58 phut) pơtối ai tơnêi tơdro má 2, têi 2,8 đô̆. Rôh tơnêi tơdro ki má 3 kơ’nâi mê dâng 15 phut (a 1 chôu 15 phut), têi 2,6 đô̆. Ƀă rôh tơnêi tơdro têi má 4 a 2 chôu 4 phut, têi 2,6 đô̆. Tíu xiâm tối ăm ‘nâi tơnêi tơdro ƀă tơbleăng hdrối ‘na têa rơlâu lân kân, mâu rôh tơnêi tơdro  mê châ xing xoăng nếo ki oh tá mơhúa ‘na kong prâi râ 0. Nôkố Tíu xiâm tối tơbleăng tơnêi tơdro ƀă tối tơbleăng ‘na têa rơlâu lân kân - Viện Vật lý địa cầu xuân dế pơtối séa ngăn nhên mâu rôh tơnêi tơdro mê.

Gương tơplôu ƀă tơbleăng