Châ tơkŭm po rêm hơnăm, Pri khĕn kơdeăn Tiếng nói Việt Nam ô eăng mâu ngế ki ai hnoăng veăng kum tơxâng ăm inâi “Tiếng nói Việt Nam”.

Tung tơdroăng cheăng drêng tơbâ 78 hơnăm hâi mơjiâng, kơxo lơ 7/9, Rơ’jíu xiâm Việt Nam tơkŭm po diâp Pri khĕn kơdeăn Tiếng nói Việt Nam – Sao tháng 9; khĕn kơdeăn mâu tíu pêi cheăng, mâu ngế krê ki ai hnoăng veăng kum kơhnâ rơkê tung tơdroăng “Rơdêi kro ing chuăn rơlố têa kơxĭ pơlê xiâm” ƀă Tơbleăng tơ’noăng tơmiât troh tơbâ 80 hơnăm mơjiâng.

Châ tơkŭm po rêm hơnăm, Pri khĕn kơdeăn Tiếng nói Việt Nam ô eăng mâu ngế ki ai hnoăng veăng kum tơxâng ăm inâi “Tiếng nói Việt Nam”. Pri khĕn kơdeăn châ diâp ăm mâu ngế ki chêh, khu ki chêh ai ƀai chêh ki rơkê ‘na chêh hlá tơbeăng, văn hok ngê̆ thuât, kih thuât, kong ngê̆, hriăn ngăn khoa hok; mâu ngê̆ sih tung kơvâ chêh, mơđah tơbleăng; mâu ngế ki pơchuât rơkê, ngế ki MC rơkê.

Pri ô eăng, mơhnhôk tơdroăng ki tơmiât rơkê, hơ’lêh nếo tung mâu tơdroăng cheăng dêi Rơ’jíu xiâm Việt Nam. Hơnăm kố, Rơ’jíu xiâm Việt Nam diâp 6 to pri Mêa, 9 to pri Hâu ƀă 9 to Pri Hlái ăm mâu ngế ki chêh, khu ki chêh ối tung mâu tíu pêi cheăng. Drêng kố, ngế xiâm pơkuâ Rơ’jíu Việt Nam diâp ƀâng khĕn kơdeăn ăm 8 to tíu pêi cheăng ƀă mâu ngế krê ki ai hnoăng cheăng kum rơkê tung tơdroăng “Rơdêi kro ing chuăn rơlố têa kơxĭ pơlê xiâm”.

Kơ koan teăng mâ Rơ’jiu Việt Nam a Tây Nguyên châ kâ pri Mêa ƀă ƀai chêh “Bùng nổ diện tích sầu riêng ở Tây Nguyên-Rủi ro và vận hội”, dêi ngế chêh Dương Đình Tuấn.