Đô̆i K52 Gia Lai châ hlo 6 kơxêng kiâ mơngế hlâ ai hnoăng tơnêi têa Sơr, cheăm Ia Boòng
Thứ năm, 04:00, 06/08/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Pêi pro tơdroăng mơhnhôk 500 hâi măng mơdêk lăm tăng, tơkŭm kơxêng ƀă mơnhên a kơxêng kiâ mơngế hlâ ai hnoăng, Đô̆i K52, Khu xiâm pơkuâ ngăn lêng kong pơlê Gia Lai nếo tăng hlo, châ ‘nâi ƀă tơkŭm 6 kơxêng kiâ mơngê hlâ ai hnoăng a pơlê Sơr, cheăm Ia Boòng.
Tung pơla sap hâi lơ 26/7 troh lơ 3/8, Đô̆i K52 hiăng ‘châ ‘nâi, chiâ tơkŭm 3 kơxêng mơngế hlâ ai hnoăng; troh hâi lơ 4/8 pơtối tăng hlo tơ‘nôm 3 kơxêng kiâ nếo, pro tâi tâng kơxô̆ ki hlo kơxêng mơngế hlâ tơkŭm tung rôh kố tâk 6 to. Klêi châ hlo, kăn ƀô̆, mâu lêng tíu pêi cheăng hiăng tơkŭm chiâ xo pêi pro tro tiô pơkâ, tơniăn; kơxêng kiâ mơngế hlâ ki xo mê djâ vêh a Khu pơkuâ ngăn lêng cheăm Ia Boòng vâ xối pleăng, rak tơniăn ƀă pro klêi hồ sơ mơnhên.
Tơdroăng mê khoh ai kơnôm tơrŭm krá pơla mâu ki lăm tăng ƀă mâu râ ủi, mâu kăn, kơ koan lêng kong pơlê ƀă kuăn pơlê tung tí tăng, séa ngăn mâu tơdroăng. Nôkố Đô̆i K52 pơtối po rơdâ tíu tăng a pơlê Sơr ƀă mâu kơpong achê mê vâ ‘nâi mâu tíu ki tâp mâu ngế hlâ nah.
Viết bình luận