Ƀă tơdroăng mơ-eăm pê klêi hdrối hâi pơkâ, sap hâi lơ 4/5 troh hâi lơ 19/9/2023, Khu ngăn on tơhrik Ea Hleo hiăng mơjiâng tôh pêi cheăng, xing xoăng tơdroăng cheăng ăm mâu ngế pêi, pêi mâu tơdroăng cheăng pơ’lêh kơthung kŏng tơ, ko kơxái ki kân ki ‘mot ƀă lo a kŏng tơ, aptomat, ‘mêng, kât kơxái ăm i lĕm, trâ văng nhâ  rơtâ tá trăng kơxái on tơhrik.

Mơhé kong mêi ton hâi pro pá ăm mâu kŏng nhân pêi cheăng, mâu pơlê cheăm hơngế hơngo, troăng prôk pá  puât, la tíu pêi cheăng hiăng mơ-eăm tơkâ luâ xơpá, pêi tro tơdroăng cheăng ‘mâi rơnêu ngăn kơmăi kơmok ki riân on tơhrik, hlối rĕng ‘mâi rơnêu pro a mâu tíu ki tơ’nhiê xua kong prâi pro ôh tá tơniăn môi tiah trăng on tơhrik kơtong ƀă hía hé.

Tơdroăng cheăng pêi rĕng klêi hiăng veăng pro tơniăn lĕm ‘na on tơhrik, kơdroh ki lŭp, pơtối mơ’no on tơhrik tơniăn ăm vâ chê 38 rơpâu ngế tơmối tung kong pơlê.