Tơdroăng pơ’lêh châ pêi pro ing tơdroăng môi tuăn dêi mơngế ki xúa on tơhrik, ing tơdroăng tơhrâ ƀă hơp đong tê rôe on tơhrik hiăng kĭ. Troh nôkố, khu ngăn on tơhrik hiăng pơ’lêh hơp đong tê rôe tiô troăng điê̆n tưh lối 3,16 rơtuh ngế ki xúa. Tiô  tối hdrối tung hơnăm 2023 kô tơbleăng hơ’lêh hâi chêh kơlo kơxô̆ kŏng tơ a hâi mơ’nui khế ăm 2,6 rơtuh ngế.

Tơdroăng hơ ‘lêh hâi chêh kơlo kơxô̆ kŏng tơ a hâi mơ’nui khế vâ mơdêk ki tơtro, rĕng hlê tung tơdroăng rak ngăn riân kơxô̆ on tơhrik ki xúa, chêh kơlo kơxô̆ ƀă pro hoă đơn nâp liăn on tơhrik. Tung khế pơ’lêh hâi chêh kơlo kơxô̆ kŏng tơ, kơxô̆ hâi xúa on tơhrik dêi mơngế ki xúa kô hên tâ tâng vâ pơchông ƀă hơnăm nah, vâ tơ’mô kơxô̆ on tơhrik ki xúa kô hên tâ.

Laga, tơdroăng mê ôh tá tơdjâk hnoăng ki pơxúa dêi mơngế ki xúa, kơlo xúa on tơhrik, hoă đơn liăn on tơhrik dêi ngế ki xúa xuân tơniăn riân tro tiô pơkâ ƀă yă on tơhrik.