VOV4.Xơ Đăng - Hok tro mâu kong pơlê kơpong Tây Nguyên hiăng vêh hriâm tơdrêng a hngêi trung klê kơ’nâi hên rôh pơtê xua tơdjâk dêi pơreăng COVID-19. Kơvâ ngăn hnê hriâm mâu kong pơlê dế tơkŭm ‘mâi mơnhông tơdroăng ki rơkê, rak tơniăn rơkê plĕng, tơdrêng amê hlối ‘no liăn roê mâu kế tơmeăm xúa tung hriâm tâp, rak tơniăn ăm tơdroăng hnê ƀă hriâm kô châ ƀlêi chiâng má môi.

Tung pơla hên ngế kơdrâm a ngiâ bo cheăng Hngêi trung râ má môi Nguyễn Công Trứ, bêng Tân Lập, pơlê kong kơdrâm {uôn Ma Thuột, nâ Trương Thị Ngọc Ánh chiân dêi kuăn mot hriâm lâm 1, tung hiâm mơno tơmiât hên tơdroăng:

‘’Chiân dêi kuăn lăm hriâm a tâ ro tung hiâm mơno. Pak^ng mê, xuân ai há tơdroăng tô tuăn xua kuăn ối ku\n [ă hâi châ pâk vaccine. Púi vâ [ă tơdroăng hbrâ nhên dêi hngêi trung kuăn á kô châ hriâm tâ hlo tơdroăng ki ro a hngêi trung’’.

Hok tro Hngêi trung râ má môi Nguyễn Công Trứ - Buôn Ma Thuột

Peăng hngêi trung, hnê hriâm a hngêi trung tung pơkâ ối to lâi khế dêi hơnăm cho tơdroăng kal khât păng ‘nâng, vâ tơbâ mâu [ai hriâm ăm mâu hok tro, malối hok tro lâm 1 [ă lâm 5, klêi 1 hơnăm ki hên hâi hriâm to a hngêi. Tiô jâ Bùi Thị Hương, ngế pơkuâ hngêi trung râ má môi Nguyễn Công Trứ tối, vâ hnê hriâm a hngêi trung châ tơniăn, hngêi trung mơ-eăm tơmâng khât troh ki tơniăn ‘na mâu tơdroăng hbrâ mơdât pơreăng:

‘’Ngin hiăng hnê tối ăm tâi tâng mâu thái cô tơku\m tơbâ mâu [ai hriâm ăm hok tro rơbot [ai ki hriâm ing apoăng hơnăm troh nôkố rơtế [ă tơdroăng hnê [ai ki nếo tung măng t^ng hriâm pơtối. Nôu pâ môi tuăn, mâu thái cô mơ-eăm ‘nâng vâ  mâu kuăn ‘ne\ng châ hriâm klêi mâu [ai hriâm tơná châ tơniăn tro má môi’’.

Hok tro a {uôn Ma Thuột hâk ro tung hâi troh a hngêi trung

{ă râ mầm non, tơdroăng ôh tá châ hriâm a hngêi trung tung plâ vâ chê 1 hơnăm hriâm kố nah cho tơdroăng ki lup kân khât, malối cho [ă vâi hdrêng 6 hơnăm kal thế hriâm hên tơdroăng hdrối vâ to lâm 1. Tung kơxo# ki mê, vâi ai neng 5 hơnăm a mâu pơlê dêi mâu hdroâng kuăn ngo kal thế hriâm Tiếng Việt ki nếo kô châ hlê tơ-[rê mâu tơdroăng hriâm. Xua mê mâu hngêi trung mầm non a Dak Lak xuân ai tơdroăng mơdêk hnê Tiếng Việt ăm mâu vâi o tung la ngiâ.

Cô Đặng Thị Tuyến, ngế pơkuâ hngêi trung mầm non Tân Lập, pơlê kong kơdrâm {uôn Ma Thuột, ăm ‘nâi:

‘’Ai lâm mâu hdroâng kuăn ngo ăm môi cô mơngế Xuăn hnê [ă môi cô kuăn ngo vâ tơku\m mơdêk hnê Tiếng Việt ăm vâi hdrêng gá kô tơ’lêi tâ. Drêng vâi hdrêng vâ tơpui nâl Xuăn ôh tá chiâng hiăng ai cô mơngế Xuăn, drêng vâi hdrêng ôh tá hlê  bú hlê nâl dêi kuăn ngo mê hiăng ai cô kuăn ngo hnê tối vâ vâi tơpui nâl Xuăn vâ vâi hdrêng tơ’lêi hlâu drêng to hriâm lâm 1’’.

A tơring Đăk Pơ, kong pơlê Gia Lai hiăng ăm lối 1,6 rơtal liăn mơjiâng tơmeăm khoăng, rôe mâu tơmeăm hnê hriâm vâ ai tiô tơdroăng púi vâ dêi hok tro. Cô Thái Thị Cẩm, hnê nâl kong ê dêi Hngêi trung râ má môi Trần Phú, cheăm Tân An, tơring Đăk Pơ ăm ‘nâi, hngêi trung ‘no liăn mơjiâng pro lâm hriâm ki rơkê ai 21 toăng kơmăi t^nh, kơmăi trâ [ă tơvi ki vâ hnê hriâm túa ki rơkê. Ing mê troh nôkố, veăng hriâm tơmeăm hriâm mê hiăng veăng kum mơdêk ki tơ-brê dêi hngêi trung. Ing mê kum ăm hok tro rơhêng vâ tâ [ă tơdroăng hriâm, thái cô hriâm xuân châ hnê hên tơdroăng tâ ăm hok tro.

‘’Á hlo tơ’lêi hlâu tâ tơdroăng hnê. Tâng idrâp chuât, um mơ’no tơbleăng kum  tơdroăng tơbleăng hnê mâ [ai ăm hok tro re\ng hlê tâ. Kơmăi hnê tơniăn, ngin hnê tâi ivá’’.

Hok tro Hngêi trung râ má môi Trần Phú, cheăm Tân An, tơring Đăk Pơ, Gia Lai

Tung pơla kơmăi kơmok tơmeăm hnê hriâm dêi hok tro dêi hngêi trung râ má môi Trần Phú ối chiâng xúa tơniăn, mê veăng hriâm [ă 40 toăng kơmăi t^nh rơtế [ă um tơvi, kơmăi trâ ki rơkê dêi hngêi trung râ má péa Chu Văn An hiăng tơ’nhiê tơdế. Vâ tơniăn ăm tơdroăng hnê [ă hriâm, hok tro kho\m thế ối ‘nâi tơku\m ối 2 - 3 hriâm tơchoâm môi toăng kơmăi t^nh. Thái Nguyễn Cao Trí. Ngế pơkuâ Hngêi trung râ má môi Chu Văn An, tơring Đăk Pơ ăm ‘nâi:    

‘’Drêng hâi ai liăn rôe tơmeăm xuân ối ‘mâi rơnêu đi đo xua mê xuân chiâng xúa hnê ăm mâu hok tro. Laga, tung pơla um tơvi hiăng ton t^n xúa ôh tá le\m to lâi xếo’’

Mâu hơnăm hdrối, mâu hngêi trung hnê a tơring Đăk Pơ, kong pơlê Gia Lai hiăng hbrâ mơjiâng tơdroăng pơkâ rak ngăn, xúa veăng hriâm mâu môn [ă tơmeăm hnê hriâm ăm tơtro [a tơdroăng hriâm dêi hngêi trung, pơtối rak tơ-[rê. Troh nôkố, 22 toăng hngêi trung rêm râ a tơring Đăk Pơ, kong pơlê Gia Lai xuân châ ’no liăn rôe tu\m mâu tơdroăng vâ hnê hriâm.

Jâ Nguyễn Thị Như Thủy, Ngế pho\ pơkuâ [ơrô hnê hriâm [ă hnê mơjiâng tuăn ngôa rơkê tơring Đăk Pơ ăm ‘nâi: Tiô pơkâ, hơnăm 2022, tơring Đăk Pơ ‘no lối 1,6 rơtal liăn kum mâu hngêi trung hriâm tung tơring rôe mâu tơmeăm xúa vâ hnê hriâm. Ing mê, chôa lâng mơdêk hơ’lêh nếo tơdroăng hnê hriâm nôkố.

‘’Hơnăm hriâm 2020-2021, {ơrô xuân hiăng tơku\m lăm séa ngăn vâ ‘nâi ‘na mâu tơmeăm [ă vâ ‘nâi tơdroăng a tơrêm hngêi trung. Ah kô tối ăm Vi [an tơring hbrâ [ă tơ’nôm liăn vâ rôe tơ’nôm. Nôkố apoăng hơnăm 2022, tơring hiăng ‘no ăm rêm toăng hngêi trung ing 60 troh 80 rơtuh liăn vâ rôe tơ’nôm tơmeăm lơ ‘mâi rơnêu vâ xúa tung hnê [ă hriâm ăm mâu hngêi trung’’.

Luâ 1 hơnăm hriâm [ă ki hên hâi chôu hriâm tung măng Internet, nôkố vêh hriâm a hngêi trung nếo, mâu hngêi trung a kơpong Tây Nguyên dế re\ng tơniăn tơku\m po, pơtối rak vế chôu hriâm tơdroăng hriâm, ‘no liăn rôe tơmeăm khoăng, xúa tung pơla hriâm ta troh hngêi trung tơku\m hnê hriâm tơ-brê vâ tơniăn hơnăm hriâm tiô pơkâ.

VOV Tây Nguyên

Gương tơplôu [ă tơbleăng