VOV4.Xơ Đăng - Măng tĭng leh tơbâ 90 hơnăm Hâi mơjiâng kong pơlê Gia Lai tiô tối hdrối kố  po sap ing hâi lơ 19/5 troh tâi lơ 25/5/2022, ƀă mâu tơdroăng ki châ tơkŭm po môi tiah: tơdah ƀă tơbleăng kế tơmeăm kong kế chiâng xêh, tíu xối tơbâ ton nah ki rơkê dêi kong pơlê; rôh hôp ‘’Tơdjêp Tây Nguyên’’ ƀă inâi ‘Mơdêk mơnhông pêi chiâk deăng krá tơniăn ton kơpong Tây Nguyên ƀă tơdjêp tơdroăng ki kơnía dêi kế tơmeăm pêi lo ing chiâk deăng’’, ‘’Rôh hôp Pơkâ mơdêk ‘no liăn cheăng sap ing kong pơlê Gia Lai’’, Rôh po kơchơ mơđah tơbleăng tê mơdró ƀă tơbleăng mâu kế tơmeăm OCOP kơpong Tây Nguyên – Gia Lai’’.

Hôp tơbleăng ‘na mâu tơdroăng cheăng tơbâ 90 hơnăm Hâi mơjiâng kong pơlê

Tung mâu rôh po tơdroăng, rôh hôp pơkâ mơdêk ‘no liăn cheăng dêi kong pơlê châ hbrâ rơnáu krâu. Pôa Nguyễn Hữu Quế, kăn pơkuâ Khu ngăn pơkâ ƀă ‘no liăn cheăng Gia Lai ăm ‘nâi: vâ tơdjêp Tây Nguyên ƀă mơdêk châ tơdroăng ki mơnhông mơdêk krá tơniăn, mê hnoăng cheăng dêi mâu khu ki ‘no liăn cheăng gá kal khât. Xua mê, Gia Lai dế mơ-eăm hơ’lêh chêh pro hlá mơ-éa, tơdrêng amê hlối rơtế prôk ƀă khu mơdró kâ tung pơkâ tơleăng xơpá, pro tơdroăng ki ‘no liăn cheăng rơkê vâ tơdah mâu khu mơdró kâ ‘no liăn a kong pơlê.

Katarina Nga tơplôu ƀă tơbleăng