Tung roh tơpui tơno a Hngêi hôp kân, kăn teăng mâ tối rơkong tơpui, mơhé Vi  ƀan kong pơlê hiăng mơjiâng hên tôh séa ngăn, tah lôi pá puât, tơvâ tơvân, laga 7/21 pơkâ cheăng kâ – rêh ối pơlê pơla hơnăm 2023 dêi kong pơlê Gia Lai ôh tá châ. Xua mê, mâu kơvâ cheăng kal ai troăng pêi ki krê, ki nhên vâ pêi pro hnoăng cheăng.   

Pôa Phạm Minh Trung – Kăn pơkuâ Khu pơkuâ kế tơmeăm khoăng Kong prâi Gia Lai xuân tơpui tơno, mơnhên xiâm kối chiâng ai mâu tơdroăng pá puât tung tơdroăng châ achê tơnêi tơníu dêi khu tơrŭm cheăng, mơnhên troăng pơkuâ tơdroăng kong prâi tung kơvâ păn mơnăn mơnôa, tơbleăng mơnhên yă vâ mơdêk rĕng mơ’no liăn tơnêi têa. Tơdrêng amê, pơkâ thế mâu tơring tơrŭm pêi pro rĕng mâu mơ-éa vâ ăm tơnêi ăm kuăn pơlê tung tơdroăng pơkâ xiâm tơnêi têa mơnhông cheăng kâ – rêh ối pơlê pơla kơpong hdroâng kuăn ngo.