VOV4.Xơ Đăng - Hơnăm 2022, tâi tâng kơxô̆ liăn ‘no mơjiâng tơmeăm khoăng dêi tơnêi têa a kong pơlê Gia Lai ai 3.350  rơtal liăn. Troh apoăng khế 5, kong pơlê hiăng xo vâ chê 400 rơtal liăn. Vi ƀan kong pơlê Gia Lai hiăng mơjiâng tôh pêi cheăng ăm mung liăn mơjiâng tơmeăm khoăng hơnăm 2022 xua môi Ngế kăn phŏ hnê ngăn Vi ƀan kong pơlê pro tôh trương ƀă Ngế pơkuâ ngăn Tơdroăng pơkâ ƀă ‘no liăn cheăng pro tôh kơphô̆ pơkuâ. 

Hnê tối, tơbleăng cheăng pêi ăm mơngế pêi cheăng tung Hâi pêi cheăng

Vi ƀan kong pơlê Gia Lai pơkâ thế Khu xiâm ngăn tơdroăng pơkâ ƀă ‘no liăn cheăng  tơrŭm ƀă mâu khu xiâm, kơvâ cheăng, séa ngăn mâu tíu pêi cheăng, tơring, cheăm ki hrá mơnhông mơdêk tơdroăng tơkêa bro, liăn ngân ăm liăn hrá vâ ai ki ăm liăn tơtro;  pâ thế mâu kăn dêi mâu tơring , pơlê kong krâm, pơlê kong kơdrâm hnê mơhno nhên , teăm tơdrêng tah ki xơpá tơvâ tơvân ‘na ‘mai xĕ, gu tơbăng, chêl thiăn, pơtối pro pơlê nếo, tơleăng mơnhên teăm tơdrêng săm phoăng, pro môi tuăn  tung kuăn pơlê tung tơbleăng tơdroăng tơkêa bro. Mâu khu ‘no liăn cheăng rêm măng tĭng tơbleăng tối tơdroăng pêi pro, tơdroăng xo liăn ngân dêi tơrêm tơdroăng tơkêa bro.

Gương tơplôu ƀă tơbleăng