VOV4.Xơ Đăng - Kơxê lơ 1/6, Kŏng an kong pơlê Gia Lai tơkŭm po hneăng hôp mơgêi 5 hơnăm mơhnhôk pêi pro “mơjiâng túa pêi cheăng dêi mơngế kŏng an kuăn pơlê ƀă hnoăng cheăng pêi, ki lĕm tro, xua kuăn pơlê pêi cheăng kum kuăn pơlê’’. Kơ’nâi 5 hơnăm pêi pro tơdroăng mơhnhôk, mâu tíu pêi cheăng, kong pơlê, Khu Đoân droh rơtăm, khu vâi kơdrâi Kŏng an kong pơlê Gia Lai hiăng mơjiâng, pêi lối 200 túa cheăng.

Mâu khu pú hên, mâu ngế châ Kŏng an kong pơlê Gia Lai khĕn kơdeăn

Tung mê, túa cheăng “ 4 rơtế’’ dêi ƀơrô kring tơniăn hiăng veăng ‘no hnoăng tơrŭm krá khât môi tuăn, rơtế ƀă mâu kŏng an ƀă kuăn pơlê kơpong hdroâng kuăn ngo; hnê hên ngế ki prôk hyông troăng vêh rêh ối tiah hmâ, tơrŭm ƀă kuăn pơlê. Tung 5 hơnăm hdrối, lối 1.000 hdroh khu pú hên, lối 3.600 ngế ai hnoăng pêi cheăng kơhnâ rơkê , châ rêm râ mơhá pơxá inâi Tơnêi têa.

Gương tơplôu ƀă tơbleăng