VOV4.Xơ Đăng - Kơxo lơ 3/6, apơlê kong kơdrâm Plei Ku, Vi ƀan kong pơlê Gia Lai tơkŭm po leh mơhnhôk khế pêi cheăng xua vâi hdrêng kong pơlê Gia Lai hơnăm 2022. Pơxá ”tơrŭm cheăng kring vế vâi hdrêng, thế tơbleăng tơdroăng hbrâ mơdât tôu pâm ‘nêk mơ’nêa vâi hdrêng, rơpŏng hngêi, kuăn pơlê rơtế tơrŭm kring vế vâi hdrêng; rĕng ‘nâi mâu tơdroăng, tối ăm râ kơpêng ‘nâi tơdroăng pro xôi ki ‘nêk mơ’nêa, pro pơlăm pơlối vâi hdrêng, tơ’droăng mơ’nêa mâu vâi hdrêng lơ pêi cheăng khăm, tơkŭm po lâm hnê mâu vâi ‘nĕng tơdroăng rêh ối, tơdroăng ‘nâi kring vế tơná, mơdât vâi lơ mơ’nêa, mơdât xía vâ rong râ ƀă mâu tơdroăng tơdjâk troh.

Kăn hnê ngăn Vi ƀan kong pơlê Gia Lai diâp ăm hnoăng liăn ăm mâu hok tro ki kơtiê xơpá ăm mâu hok tro ki kơtiê xơpá kơdôu mơ-eăm tung mơhriâm

Pakĭng mê, khế pêi cheăng xua vâi hdrêng a kong pơlê Gia Lai pêi pro la ngiâ cho rak tơniăn rôh pơtê hriâm, ƀă hên tơdroăng hriâm ki ê, xah hêi; krếo mâu khu tơrŭm cheăng, mâu ngế veăng ‘no ivá môi tuăn tơlo liăn kum mâu vâi hdrêng kơtiê xơpá.

Gương tơplôu ƀă tơbleăng