VOV4.Xơ Đăng - Hâi lơ 28/6, Tĭnh ủy Gia Lai tơbleăng Pơkâ ‘na tơdroăng mơjiâng Khu hnê mơhno hbrâ mơdât kâ kơhveăm liăn ngân, tơdroăng ki ôh tá lĕm tro tung kong pơlê. Pơtối mê, Khu hnê mơhno ai 15 ngế, tung mê, pôa Hồ Văn Niên – Kăn pơkuâ hnê ngăn cheăng Đảng kong pơlê, Kăn hnê ngăn Hô̆i đong kong pơlê Gia Lai pơkuâ xiâm; pôa Rah Lan Chung – Kăn phŏ pơkuâ hnê ngăn cheăng Đảng kong pơlê, Kăn pơkuâ tơdroăng kal kí kơvâ cheăng Đảng kong pơlê to pro Kăn phŏ hnê mơhno má môi.

Khu hnê mơhno hbrâ mơdât kâ kơhveăm liăn ngân, tơdroăng ki ôh tá lĕm tro tung kong pơlê ai hnoăng tơbleăng, kum Khu pơkuâ tơdroăng cheăng Đảng kong pơlê pơkuâ ƀă tơkŭm pêi pro tơdroăng hbrâ mơdât kâ kơhveăm liăn ngân, tơdroăng ki ôh tá lĕm tro a kong pơlê, tiô Pơkâ kơxô̆ 67 –QĐ/TW, hâi lơ 2/6/2022 dêi Khu pơkuâ hnê ngăn cheăng Đảng ‘na tơdroăng cheăng, hnoăng cheăng, hnoăng chiâng pêi, khu pêi cheăng, troăng mơhá hnoăng pêi cheăng, tơrŭm tung pêi cheăng dêi khu hnê mơhno hbrâ mơdât kâ kơhveăm liăn ngân, tơdroăng ki ôh tá lĕm tro râ kong pơlê, pơlê kong kơdrâm dêi tơnêi têa.

A Sa Ly tơplôu ƀă tơbleăng