VO4.Xơ Đăng -Kơxo lơ 14/6, a pơlê kong kơdrâm Plei Ku, kong pơlê Gia Lai tơkŭm po hneăng hôp ô eăng mâu ngế pleăng mơheăm hơnăm 2022. Tiô Khu hnê mơhno mơhnhôk pleăng mơheăm kong pơlê Gia Lai, ing apoăng hơnăm 2022, troh nôkố, kong pơlê hiăng mơhnhôk châ 125 rôh pleăng mơheăm, châ xo vâ chê 24 rơpâu tơdrong mơheăm. Mâu tơdroăng mơhnhôk pêi ki kân “Mơdĭng mơheăm khêi”, “Hâi tâi tâng kuăn pơlê pleăng mơheăm”, “ Mâu kơtó mơheăm khêi”, “Tơdroăng mơheăm khêi”, tơ’mot rơpâu ngế kăn ƀô̆, mơngế pơkuâ, mơngế cheăng, đoân viên droh rơtăm ƀă kuăn pơlê Gia Lai veăng pleăng. 

Gia Lai: Ô eăng mơngế pleăng mơheăm hơnăm 2022

Ing apoăng hơnăm troh mơ’nui hơnăm 2022, kong pơlê Gia Lai pơtối mơ-eăm rak vế pêi pro rêm khế tơkŭm po 3 - 4 rôh pleăng mơheăm, pơtối hnê, mơjiâng mâu khu pleăng mơheăm, mâu kâu lak ƀô̆ pleăng mơheăm. Rôh kố, Vi ƀan kong pơlê Gia Lai, khu hnê mơhno mơhnhôk pleăng mơheăm kong pơlê hiăng khěn kơdeăn mâu khu pú hên mâu ngế ƀă mâu tung rơpŏng hngêi ai hnoăng tung tơdroăng veăng pleăng mơheăm.

Gương tơplôu ƀă tơbleăng