Ing mê, ƀă tơdroăng “prôk tơrêm hơlâ, tơgôu tơrêm hngêi, hnê kuăn pơlê”, đoân viên, droh rơtăm châ mơnhên cho mâu ngế ki xiâm, kơjo gum kuăn pơlê chiâng xúa tơdroăng chêh pêi ƀă kơxô̆ tung phôn môi tiah tơdroăng chêh ‘mot tiô troăng hyôh măng, định danh điê̆n tưh VNeID, ‘na nâp liăn ôh tá xuá liăn mâ ƀă hlối tơniăn a tung măng.

Gia Lai pơkâ troh hơnăm 2030, 100% to cheăm, bêng mơjiâng ƀă pơtối rak Tôh kong ngê̆ kơxô̆ tung kuăn pơlê; mơhno tíu ki vâ kum hnê pêi chêh mâu tơdroăng ‘na kơxô̆ a hngêi kuăn pơlê hmâ tơkŭm hôp lơ a tíu pêi cheăng Vi ƀan kuăn pơlê râ cheăm vâ kơjo kum kuăn pơlê xúa rơkê ‘na tài khoản định danh điê̆n tưh kơlo 2.

Tơdroăng tơkêa bro xuân tơbleăng túa pêi cheăng “cheăm cho ki xiâm hnê cheăng khoa hok kŏng ngê̆, hơ’lêh nếo hriĕn plĕng ki nếo ƀă pơ’lêh kơxô̆”, tiô tối hdrối rah 30 to cheăm, bêng tung hơnăm 2026 vâ pro túa, ing mê po rơdâ tung lâp kong pơlê.