Ƀă hên tơdroăng pêi pro mơhno túa lĕm tro, po kơchơ, ngăn mâu tíu ki lĕm tơviah, 3 hâi po mơdĭng cho tíu pơtê chêng dêi hên kuăn pơlê, tơmối ki troh hyô ngăn a mơ’nui măng tĭng. Hâi po kơchơ ôm hyô tơring Kƀang ai po kơchơ ƀă 148 tíu tơbleăng tê tơmeăm pê lo ing chiâk deăng, loăng kong, ká xi xŏng a tơring mê cho: mâu hdrê sâm kong, kơxêt kong, têa kơdruâ, têa xot kong, kloăng macca, phái mơheăm, phái Sơ Pai, chu prăng ƀă hên ki ê.

Pakĭng mê, kô pêi pro tơdroăng mơđah tŏn chêng, po mơdĭng  tiô khôi hmâ ton nah dêi mơngế Bơhnéa; ngăn teăn tơmeăm ƀă rái, kơlá, phêa, teăn hmôu jiâ, pong rơgi um loăng. Malối, akố ối ai mâu tour ôm hyô tiô tơdroăng púi vâ chêh inâi dêi tơmối môi tiah lăm ngăn xí K50 krip lĕm, xí Hang Dơi, kơpong ôm hyô ton nah - Túa lem tro “Tíu ối pêi cheăng dêi kăch măng Khu 10”; ngăn vâ ‘nâi tơdroăng rêh ối dêi mơngế Bơhnéa a mâu pơlê ôm hyô Stơr, cheăm Tơ Tung; pơlê Mơ Hra - Đáp, cheăm Kông Lơng Khơng, pơlê Kon Bông, cheăm Đăk Rong.