A hôp tơno Prôk troăng hơngế lâp plâi tơnêi hơnăm 2026 ƀă dó inâi ‘’Pêi pro rĕng mơhnhôk tơmối lâp plâi tơnêi troh Việt Nam: Tíu mơdró, kơchơ nếo – Tơmeăm nếo – Tơdjêp nếo’’, Khu tơrŭm pêi Ôm hyô Việt Nam mơnhên, klêi hneăng pro vêh prêi châ tơƀrê tiah hdrối rơdêi, ôm hyô Việt Nam dế chôa ‘lâng mot hneăng tơtêk nếo, pơkâ pơhlêh ing pơkâ tơtêk kơxô̆ châ hên chiâng tơtêk ai rah xo, dâi lĕm ƀă tiô a tơdjêp.

Mâu tham luâ̆n a Hôp tơno tơdroăng kal tơkŭm a troăng tíu mơdró, kơchơ lâp plâi tơnêi, hnoăng khu tê mơdró pêi ôm hyô tung tơdjêp troăng tơƀai – prôk troăng hơngế - tíu troh ƀă djâ Gia Lai tung lơ gât tơmeăm ôm hyô lâp plâi tơnêi dêi Việt Nam. Ƀă Gia Lai, tơdroăng tơkŭm po Hôp tơno ai kơnâ kal khât tung pơla kong pơlê dế po rơdâ tíu mơnhông ôm hyô, tơdjêp têa kơxĭ Quy Nhơn ƀă kơpong kân rơdâ Tây Nguyên, hlối pêi ôm hyô pơtê, kong loăng, têa kơxĭ, ti tăng plĕng tíu ki lĕm ƀă khôi túa lĕm tro.