VOV4.Xơ Đăng - Kơxo lơ 1/6, Khu ngăn Mơhno túa lĕm tro Tơ’noăng ivá ƀă ôm hyô kong pơlê Gia Lai tơrŭm ƀă mâu tíu pêi cheăng ki ai tơdjâk tơkŭm po Leh pơxiâm po hâi Olympic vâi hdrêng ƀă tơbleăng ăm tâi tâng kuăn pơlê hriâm klê têa, vâ hbrâ mơdât tro klâk têa hơnăm 2022. Leh pơxiâm po tơdroăng kố ai tơdroăng ki veăng dêi lối 200 ngế kăn ƀô̆, kong chưk, khu lêng, đoàn viên droh rơtăm ƀă mâu vâi o hok tro veăng ai mâ.

Tơbleăng ăm tâi tâng kuăn pơlê hriâm klê têa, hbrâ mơdât tro klâk têa 2022 a Gia Lai

Tiô Khu ngăn Mơhno túa lĕm tro Tơ’noăng ivá ƀă ôm hyô Gia Lai, klâk têa dế cho xiâm kối ki xiâm pro chiâng hlâ a vâi hdrêng ƀă a mâu phô̆m vâ xông kân a kong pơlê. Sap ing hơnăm 2021 troh nôkố, lâp kong pơlê ai 39 rôh xía vâ, pro 42 ngế hok tro hlâ, pro chiâng ai tơdroăng châi heăng ăm hên rơpŏng. A rôh leh, mâu vâi o hok tro châ tơbleăng ƀă hnê klê, tơdroăng ki pơlât tơdrêng drêng tro klâk têa; mau tơdroăng ki pơlât tơdrêng drêng trâm xía vâ tro rong ƀă hên ki ê.

Katarina Nga tơplôu ƀă tơbleăng