Pêi pro tiô tơdroăng “Lăm prôk 500 hâi măng mơdêk tăng chiâ rôu, tơkŭm ƀă mơnhên inâi mơngế a kơxêng kiâ mâu ngế hlâ ai hnoăng” troh hâi lơ 30/6/2027, kong pơlê Gia Lai châ Kuân khu 5 pơcháu lăm tăng, tơkŭm 390 kơxêng kiâ mâu ngế hlâ ai hnoăng. Pakĭng mê, kong pơlê pêi tơdroăng xo túa ngăn ADN ƀă tâi tâng vâ chê 12.000 tơnâp kiâ mâu ngế ki hlâ hâi ‘nâi inâi ƀă mâu tơdroăng.

Jâ Nguyễn Thị Thanh Lịch, Phŏ kăn hnê ngăn Vi ƀan kuăn pơlê kong pơlê, Kăn hnê mơhno lăm tăng, tơkŭm ƀă mơnhên inâi kơxêng kiâ mâu ki hlâ ai hnoăng dêi kong pơlê Gia Lai ăm ‘nâi, tơdroăng tơbleăng pêi pơxúa ôh ti xê to pêi tro tiô luât pơkâ tŏng gum mơnê mâu ai hnoăng dêi Đảng ƀă Tơnêi têa, mê ối ai tiô púi vâ tơxâng dêi rơpâu rơpŏng ki dế púi châ hlo ‘nâi kơnó inâi ngế nhŏng o kơnốu lơ kơdrâi kuăn ki hiăng hlâ xua pro tơniăn krê, hlâu hlĕng dêi Tơnêi têa.