A rôh tơpui tơno, pôa Lê Tiến Châu, Phŏ Ngế pro xiâm hnê ngăn tơnêi têa tối rơdêi Việt Nam đi đo ngăn Nhuk cho môi tung mâu kong têa tơrŭm cheăng ki kal xiâm, cho ngế pú tơdrăng, loi, rơtế prôk tung chal mơnhông nếo. Phŏ Ngế pro xiâm hnê ngăn tơnêi têa pâ thế péa tơnêi têa pơtối ‘mâi mơnhông loi tơngah a cheăng kal kí, rak vế pơtroh trâm mâ khu râ kăn, mơdêk hnoăng cheăng dêi mâu kơ koan mơjiâng luât vâ pro tơ’lêi hlâu ăm tơdroăng tơbleăng pêi tơƀrê mâu tơdroăng tơkêa khu râ kăn xiâm hiăng tơpui châ rơhéa, xuân môi tiah mơjiâng pro troăng hơlâ luât tơ’lêi hlâu vâ thăm mơnhông mâu tơdroăng tơrŭm cheăng kâ pơla péa pâ.

Tơdrêng amê, hlối mơdêk tơrŭm cheăng ôm hyô, trâm mâ kuăn pơlê pơla péa tơnêi têa ƀă tơdroăng ki Nhuk pơtối pro tơ’lêi hlâu ăm vâ chê 70.000 ngế Việt Nam dế pêi cheăng ƀă hriâm tâp a Nhuk.