Tơdroăng mê xua Tíu xiâm Khu ngăn Droh rơtăm Việt Nam ƀă Tíu xiâm Khu mơdró hơnăm ối nếo Việt Nam tơkŭm po ƀă pơxá “Khên tơnôu - mơdêk khu mơdró Việt”. Sap ing hrĭng hồ sơ rah xo tung lâp tơnêi têa, Hô̆i đong rah xo hiăng rah ƀă pơ-eăng 86 ngế mơdró kâ hơnăm ối nếo pơxiâm pêi cheăng kơhnâ rơkê, tung mê, ai 10 ngế kơhnâ rơkê châ pơxá TOP 10.

Tơbleăng a rôh leh, pôa Nguyễn Văn Thắng, Phŏ ngế pro xiâm hnê ngăn tơnêi têa khĕn kơdeăn mâu hnoăng veăng ‘no dêi mâu khu mơdró hơnăm ối nếo, tối nhên pơxiâm pêi cheăng tung pơla mâu hơnăm mơnhông tơbrê nếo rơtế ƀă khoa hok kŏng ngê̆, hơ ‘lêh nếo, hriĕn plĕng ki nếo ƀă pơ‘lêh kơxô̆. Phŏ Ngế pro xiâm hnê ngăn tơnêi têa pâ thế pơtối tơbâ mơnhông púi vâ pêi cheăng, ƀă tuăn mơ-eăm  vâ pleăng tung khu hơnăm ối nếo Việt Nam.

-