Dak Lak hrê tơ’nôm 39 rơtal liăn gum kăn ƀô̆ klêi kơ’nâi klâ xoăng tíu pêi cheăng
Thứ năm, 14:21, 11/06/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Vi ƀan hnê ngăn kong pơlê Dak Lak nếo Tối tơbleăng pơtroh ăm Hô̆i đong hnê ngăn kong pơlê, pơkâ mơ’no ton hâi khế xúa troăng hơlâ tŏng gum kăn ƀô̆, kong chưk, viên chưk klêi kơ’nâi ‘mot tơkŭm tíu pêi cheăng sap ing 12 troh 24 khế.
Troăng hơlâ tŏng gum kố vâ pro kơdroh xơpá ‘na tơdroăng ki hrê liăn prôk lăm, rêh kâ ối, pro tơ’lêi hlâu vâ mâu kăn ƀô̆ hmiên tuăn pêi cheăng, rak tơniăn tơdroăng cheăng tơniăn lĕm dêi kơ koan cheăng tơnêi têa klêi kơ’nâi ‘mot tơkŭm. Tiô Vi ƀan hnê ngăn kong pơlê Dak Lak, tiô tối hdrối troh hâi lơ 30/6/2026, troăng hơlâ tŏng gum hiăng châ pêi pro ƀă 16.116 ngế, tâi tâng kơxô̆ liăn hrê vâ chê 52 rơtal liăn.
Tơdroăng tơbleăng teăm tơdrêng dêi troăng hơlâ tŏng gum kố hiăng châ xo tơdroăng môi tuăn khât sap ing kăn ƀô̆, kong chưk, viên chưk ƀă ngế pêi cheăng. Tiô riân, tâi tâng kơxô̆ liăn ‘no tơ’nôm vâ pêi pro túa pơkâ kố cho lối 39 rơtal liăn.
Viết bình luận