Gia Lai tơdah 18 kơxêng kiâ mô đô̆i ki pleăng hnoăng cheăng ƀă mâu ngế rơkê Việt Nam hlâ a kong têa Kul djâ vêh a pơlê xiâm
Thứ năm, 11:03, 11/06/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Kơxê lơ 10/6, a Tíu tê mơdró lâp plâi tơnêi Lệ Thanh (cheăm Ia Dom, kong pơlê Gia Lai), Khu hnê mơhno 515 kong pơlê Gia Lai tơkŭm po kân krip leh tơdah 18 kơxêng kiâ mô đô̆i cho mô đô̆i ki pleăng dêi hnoăng cheăng ƀă mơngế ki rơkê Việt Nam hlâ drêng pêi hnoăng cheăng lâp plâi tơnêi a 3 kong pơlê Peăng mâ hâi luô Peăng kơnhŏng kong têa Kul mê cho Stung Treng, Ratanakiri ƀă Preah Vihear vêh tơnêi têa.
Klêi kơ’nâi leh tơdah, 18 kơxêng kiâ rơtế mâu tơmeăm ki kơnía châ jâ vêh a Tíu koh tơbâ mâu mô đô̆i hlâ tung tơplâ xâ Đức Cơ, ối tung Ilâng kiâ Mô đô̆i Đức Cơ vâ gâk kring, ngăn ƀă xối pleăng tiô khôi vâi krâ nah.
Akố, Khu pơkuâ Khu hnê mơhno 515 kong pơlê Gia Lai ƀă kăn ƀô̆, mô đô̆i hiăng nhuô̆m mơnê, têk nhang, tơbâ mâu ngế khên tơnôu tung tơdroăng ki kân krip, rơrêk tung ihiâm mơno. Tiô pơkâ dêi Khu hnê mơhno 515 kong pơlê Gia Lai, leh khôp pâ mơhúa mâu ngế khên tơnôu mô đô̆i hlâ tung tơplâ xâ nah châ tơkŭm po a hâi lơ 12/6. Leh lăm pôu, tơbâ hnoăng ƀă tâp 18 kơxêng kiâ mô đô̆i kô po a hâi lơ 13/6 a Ilâng kiâ Mô đô̆i Đc Cơ, cheăm Đức Cơ, kong pơlê Gia Lai.
Viết bình luận