Drêng tơbâ 78 hơnăm Hâi Pôa Hồ Chí Minh krếo thế tơ’noăng lơ 11/6, kơxo lơ 10/6 a Tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa trâm mâ 100 ngế ki kơhnâ rơkê dêi tơdroăng “Cheăng pêi lĕm” xua Um tơvi Việt Nam tơkŭm po. Mâu ngế ki kố lo ing hên kơpong, tung hên mâu hơnăm, tơdroăng cheăng ƀă tơdroăng rêh kâ ối phá dêi pó, la pơrá ai tơdjuôm hiâm mơno hơ-ui, hbrâ rơnáu vâ gum pơlê pơla.

Teăng mâ kăn pơkuâ Đảng, Tơnêi têa, Pôa Tô Lâm, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa khĕn kơdeăn mâu tơdroăng cheăng pêi ki lĕm, tối rơdêi kố cho mâu ki kơnía lĕm tro ó khât vâ pro tơdjâk khôi hmâ tơrŭm dêi hdrông kuăn ngo. Tơdrêng amê, hlối pơkâ thế mâu khu xiâm, kơvâ cheăng, kong pơlê pơtối pơhlêh nếo tơdroăng tơ’noăng pâ nhuô̆m tơnêi têa tiô troăng pêi pro ai pơxúa, tơƀrê, tro ƀă tơdroăng cheăng mơnhông tơnêi têa ƀă gum Kuăn pơlê; mơdêk ki rơkê plĕng, tŏng gum tơdroăng rêh kâ ối kuăn pơlê ƀă rĕng lêi tah mâu tơdroăng xơpá, tơvâ a mâu kong pơlê.