Pơkâ xiâm kố châ tối a Hôp tơno tơdroăng kal hnê pơtâp mơdêk Kơlo têk chu pơhlêh nếo tơmiât pêi rơkê kong pơlê (PII) hơnăm 2026 dêi Khu pơkuâ Khoa hok ƀă Kŏng ngê̆ kong pơlê Dak Lak tơkŭm po. Vâ châ pơkâ kố, kong pơlê Dak Lak mơnhên tơkŭm mơdêk ki dâi lĕm mâu kơlo têk chu tơdroăng cheăng dêi PII, ki má lối cho mâu pơkâ ki kal tơdjâk troh ivá hriăn plĕng ƀă mơnhông, pơhlêh xúa kŏng ngê̆, mơnhông mơdêk kế tơmeăm tuăn ngôa rơkê ƀă tê mơdró tơdroăng châ tơƀrê hriăn plĕng.

Tơdrêng amê, thăm pêi pro tơdroăng ki tơrŭm cheăng pơla mâu khu, kơvâ cheăng, kong pơlê tung pêi pro tơdroăng pêi lo liăn, tơ’nôm ‘noăng chư chêh ƀă mơjiâng hô sơ mơnhên gum ăm tơdroăng mơnhên rêm hơnăm.