Lối 35.000 ngế hok tro kong pơlê Dak Lak mot tung hâi tơ’noăng apoăng dêi Hneăng tơ’noăng mơgêi râ má pái hơnăm 2026
Thứ sáu, 05:00, 12/06/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxo lơ 11/6, lối 35.000 ngế hok tro kong pơlê Dak Lak pơxiâm mot tơ’noăng hâi apoăng dêi Hneăng tơ’noăng mơgêi hriâm râ má pái phôh thong hơnăm 2026. Hiăng klêi 120 phut pro ƀai môn ngữ văn a peăng kơxo, hên hok tro lo ing kơbong tơ’noăng tung hiâm tuăn tâ dêi phuâng, ‘nâi dêi chiâng pro ƀai. Hên ngế tối ko ƀai achê ƀă tơdroăng hriâm, peăng pơchuât hlê vâ tối hlâu ƀă troăng ki pro nghị luận văn học hiăng pro hok tro kơdrâ.
Hên tíu tơ’noăng a Dak Lak ăm ‘nâi, klêi tơ’noăng môn ngữ văn, ki hên hok tro xuân tâ tơniăn tuăn. Hên ngế mơdoh tơpui tơno tối ’na ƀai ki pro ƀă dêi pú hdrối vâ vêh pơtê kơhâi, hbrâ vâ tơ’noăng môn ki pơtối a peăng kơxêi cho môn Toán.
Tơdroăng tơkŭm po tơ’noăng a mâu tíu tơ’noăng tung kong pơlê Dak Lak châ pêi pro kơtăng, tơniăn, pro hlâu ăm mâu hok tro mot tơ’noăng mâu môn ki pơtối ƀă tung hiâm mơno ôh tá rơxá, mơ-eăm vâ chiâng pro ƀai.
Viết bình luận